Það sem var gert um páskana !!

Jæja , á ég að segja ykkur hvað ég og fjölskyldan mín gerðum um páskana ??

Í fyrsta lagi var nú ósköp lítið gert . Styrmir var að vinna alla páskana nema Skírdag þá átti hann frí ótrúlegt en satt . Á Skírdag var að sjálfsögðu vaknað snemma eins og vaninn er á þessu heimili , fórum svo í heimsókn til tengdó um hádegið og vorum þar til klukkan að verða hálf 6 . Þar var ég að hjálpa tengdamömmu með tölvuna sína því að þau gátu ekki náð að senda póst á gömlu tölvunni sinni . Hringdum út um allar trissur til að fá upplýsingar um hvað væri að póstforritinu og komumst að því að það var orðið svo gamalt að það var ekki hægt að senda á því og það þyrfti að uppfæra það og að það væri líka búið að loka á póstinn því að þau voru að færa sig á milli símafyrirtækja . Hvað er eiginlega að fólki , ég hélt að það væri frelsi hér á Íslandi til að gera það sem maður vildi .

Komum svo heim og ég fór að elda Bayonneskinku handa okkur , en eitthvað var lystin hjá mér ekki neitt voðalega mikil og svo kom það á daginn að ég nældi mér í gubbuna  enn eina ferðina og nýbúin með þetta ógeð . Fór svo snemma að sofa því að mér leið alveg hræðilega alla nóttina og svo byrjaði Jón Arnór líka með þetta ógeð um 5 leytið um nóttina . En sem betur fer þá varð ekkert meir úr þessu hjá honum .

Vöknuðum svo um morguninn á Föstudaginn langa og slöppuðum af til hádegis , þá var haldið til tengdó enn og aftur til að reyna að fá botn í tölvuna og setja upp Office pakkann í nýju tölvuna þeirra . Gummi vinur Styrmis kom svo líka um 2 leytið að hjálpa okkur , því að hann er alger tölvuséní . Jæja hann setti upp nýja Office pakkann í nýju tölvuna en ekkert var hægt að gera með póstforritið því að þau mundu ekki lykilorðið til að komast inn á póstinn . Þannig að þau þurfa að fara niður í síma og fá upplýsingar um að komast inn í einhvern þjónustuvef og opna póstforritið aftur hjá sér . Vorum að stússast í þessu til klukkan að verða 5 og fórum þá beinustu leið heim því að ég ætlaði að gera djúpsteiktan fisk áður en Styrmir færi að vinna og tengdó ,Tóti og kærastan hans ætluðu að vera í mat hjá okkur . Ekki tókst mér að vera búin að elda áður en Styrmir fór að vinna svo að hann fór matarlaus í vinnuna , en hann ætlaði bara að kíkja heim seinna og fá sér mat . Þegar klukkan var um 7 þá birtist hann heim og gat þá fengið sér mat , því að það var ekkert að gera á þvottastöðinni og þeir þurftu bara að hanga þar og gera ekki neitt . Jæja svo fóru tengdó heim og strákarnir að sofa og ég að horfa á sjónvarpið og prjóna . Ég er nefnilega að prjóna peysu á hann Jón Arnór minn og ég þarf að fara að klára hana svo að hann geti nú notað hana eitthvað áður en hann verður vaxinn uppúr henni  .

Jæja á laugardeginum var vaknað um 8 leytið , ótrúlegt en satt . strákarnir horfðu á barnatímann og ég hringdi í pabba um hálf tíu og svo fórum við yfir til þeirra um 10 leytið . Þar voru strákarnir að leika sér í kubbunum og fengu svo brauð að borða og svo sofnaði Sigurður í rúminu hennar frænku sinnar og ég steinsofnaði í sófanum hjá þeim og við Sigurður sváfum í nánast 2 tíma . Mikið var nú gott að sofna svona . Hringdum svo í ömmu Möggu og fórum til hennar því að við vorum að fara að versla með henni . Svo þegar því var lokið þá keyrðum við Jóhönnu heim því að hún var að fara í saumaklúbb þá um kvöldið . Amma bauð svo mér og strákunum upp á KFC og við fórum svo með afganginn upp í vinnu til Styrmis svo að hann fengi eitthvað að borða og þyrfti ekki að svelta . Fórum svo heim og Sigurður fór að sofa um 8 leytið og við Jón Arnór horfðum á fjöskyldumyndina á stöð 2 og svo fór hann að sofa og ég að brjóta saman þvott (Það veitti nú ekki að því , búið að safnast saman í einu horninu hjá mér og beið eftir mér ) .Fór svo að sofa um 2 leytið .

Á Páskadag var nú vaknað fyrir 7 ( best að segja ekki neitt þegar þeir sofa lengur því að það kemur nú bara niður á manni daginn eftir ). Jæja þeir borðuðu morgunmat en voru svo bara með leiðinda stæla við mömmu sína þannig að þeir fengu sko ekkert páskaegg þegar morgunmaturinn var búinn . Þeir horfðu svo á Söngvaborg ég veit ekki hvað oft og ég fór að undirbúa fyrir daginn því að vinir hans Styrmis ætluðu að koma um 1 leytið í heimsókn og horfa á fótboltann hjá okkur . Ég gerði túnfisksalat , heita salsasósu fyrir Dorritos og var svo með osta og vínber handa þeim . Sigurður sofnaði svo um 12 og svaf til klukkan að verða 2 . Um 3 leytið fór ég með strákana til hennar Ingu og þar fengum við rosa fína köku í kaffinu , hún Karen dóttir hennar átti nefnilega afmæli . Svo var okkur nú bara boðið í mat líka og það var ekkert smá gott læri sem við fengum . Fórum svo heim um hálf 8 og komum við hjá Styrmi í vinnunni og gáfum honum smá mat sem Inga og Sigurjón sendu okkur með til hans . Sigurður sofnaði svo fljótlega eftir að við komum heim og Jón Arnór fór að sofa um hálf 10 . Ég horfði á sjónvarpið og slakaði á fór svo að sofa .

Á annan í páskum vöknuðu strákarnir um 8 og horfðu svo á barnatímann í sjónvarpinu og ég mókti í sófanum .  Sigurður sofnaði svo um 12 og Styrmir vaknaði um 2 leytið og ég fór í sturtu , við vorum nefnilega að fara í mat til tengdó um 4 leytið . Svo þegar Styrmir var nýbúinn í sturtu þá hringdi síminn og tengdamamma í símanum og sagði að maturinn væri til . Þá var nú sko sett í 5 gír og allir klæddir á mettíma og brunað af stað heim til þeirra . Þar voru allir komnir sem sagt : Berglind og Raggi og synir þeirra . Jón Arnór og Sigurður fóru svo að leika við þá á meðan að beðið var eftir matnum .Svo var sest til borðs og fyrst var aspassúpa í forrétt , svo kom grillað lambalæri sem var alveg geggjað gott og svo var eftirréttur með ís . mmmmmm það var sko mikið borðað og spjallað og svo tók Tóti upp gítarinn og fór að spila . Hann Sigurður ætlaði nú bara að spila með honum og hélt hendinni bara fyrir svo að Tóti átti nú í mestu vandræðum við að spila en að lokum þá gafst hann Sigurður upp og Tóti fékk að spila óáreittur . Þá byrjuðu þeir frændur að dansa með tónlistinni og það var sko fyndið , hoppuðu um allar trissur  og hristu höfðin  . En svo leið tíminn og Styrmir var farinn að vinna og við fórum svo heim um hálf 8 því að það þurfti nú að koma þeim bræðrum í rúmið af því að það var leikskóli daginn eftir og ég í vinnu.

Það varð nú ekkert af því að fara í vinnu og leikskóla á þriðjudagsmorgni því um klukkan hálf 4 í nótt þá vaknaði ég við trítl í litlum fótum og þar var á ferðinni hann Sigurður minn og tilkynnti mér það að hann væri búinn að .......Ég fór því að skipta á honum og fékk algert áfall . Þetta var upp á maga og langt upp á bak og það rennandi .  Svo skalf grey barnið því að honum var svo kalt og það varð að skipta á öllu . Um morguninn hélt þetta áfram hjá barninu og ég held að það hafi farið um 20 bleyjur bara frá klukkan 8 um morguninn til klukkan 2 eftir hádegið . Jæja svo fór þetta að minnka sem betur fer . Jón Arnór fór svo út að leika sér við Alexander vin sinn og var úti alveg í 5 klukkutíma og ég vissi ekki af honum þeir voru svo góðir  að leika sér úti . Svo sauð ég fisk fyrir strákana og við Styrmir grilluðum okkur svínkótellettur . Svo fóru þeir að sofa og við að horfa á sjónvarpið . Tókum okkur Mr. Brooks á skjánum og urðum nú fyrir smá vonbrigðum því að það var búið að segja okkur að hún væri nú mjög góð en ekki fannst okkur það nú . En svona var nú mín saga um páskana og ég ætla að hætta núna því að ég þarf að eins að sinna prinsunum mínum og verð að skrifa kannski meira í dag um hvað er búið að vera að gerast síðustu daga .

Kveð ykkur í bili . Bless,bless.

 

 

Páskafrí . Gleðilega páska allir saman .

Loksins , loksins  komið páskafrí .

Nú er miðvikudagur og það hefur nú lítið gerst síðan á sunnudaginn nema það að ég nældi mér í gubbuna  þá um nóttina . Ég hélt að þetta ætlaði aldrei að hætta , sitjandi á hækjum mér á hálftíma fresti , gaman , gaman . Eða hittó . Það var allavegana lítið sofið þá nóttina . En kom svo strákunum í leikskólann á mánudagsmorgni og svo var skriðið aftur heim og lagst upp í rúm til að hvíla lúin bein og lúinn skrokk . Legið svo og bara slakað á og reynt að njóta þess að vera barnslaus til klukkan 4 og fór þá að ná í pjakkana mína af leikskólanum . Gerði nú voða lítið þann daginn . 

Á þriðjudaginn vöknuðum við fyrir allar aldir eins og vaninn er á þessu heimili , þar sem hann Jón Arnór minn sér til þess að enginn sofi of lengi og hafi það of gott . Jæja , kom strákunum á leikskólann og fór í vinnu enn með magapínu en bara að bíta á jaxlinn sagði einhver vitur maður . Á dagskránni var 1 jarðarför í vinnunni þannig að Styrmir (maðurinn minn ) náði í strákana í leikskólann og lék við þá þar til ég kom heim . Ekki var nú kvöldmaturinn upp á marga fiskana , aðeins AB mjólk og brauð . Hann Sigurður minn var nú ekki á því að borða og var með stæla en ekki leið á löngu þar til við fengum að vita ástæðuna fyrir því . Hvað haldið þið að hafi komið fyrir barnið !! Að sjálfsögðu hafði hann nælt sér í gubbuna  , bara svona til að vera með mömmu sinni , nema hvað . Við héldum að þetta ætlaði engan enda að taka hjá grey barninu , svona gekk þetta á hálftíma fresti alla nóttina . Að sjá barnið engjast og kveljast svona , þetta var alveg hræðilegt . Jæja , ég fór svo ósofin í vinnu í morgun og þurfti að þrífa í kapellunni og allt skrifstofuhúsnæðið hjá okkur því að það var að koma páskafrí hjá okkur .

Kom svo heim um hádegið eftir að hafa farið upp í leikskóla og náð í allt dótið sem strákarnir áttu þar . Styrmir fór þá að vinna í Bakkaseli sem er frístundaheimili hjá Breiðholtsskóla . Það átti nefnilega að fara í húsdýragarðinn með allt liðið , Jón Arnór fékk að fara með pabba sínum í vinnuna og við Sigurður horfðum á Latabæ , Söngvaborg og Stubbana (2 sinnum) , (guð hvað ég er orðin þreytt á þessum Stubbum ) . Best að fara að kynna barninu fyrir öðrum teiknimyndapersónum eða bara öðru myndefni  . Jæja , svo komu Styrmir og Jón Arnór heim um klukkan að verða hálf 6 og ég fór að hafa kvöldmatinn til . Hann Jón Arnór minn tilkynnti mér það líka að nú ætlaði hann sko að fara oftar með pabba sínum í vinnuna því að það var sko voða gaman hjá þeim í dag .

Styrmir fór svo út á bar að horfa á einhvern fótboltaleik (ekki fyrir mig ) og ég kom Sigurði í rúmið og hann var sko ekki lengi að sofna eftir að síðasta nótt var nánast svefnlaus hjá okkur öllum (mikið hlakkar mig til að komast upp í rúm og fara að sofa á eftir , ég er farin að bíða eftir því ). Ég held að ég sé farin að sjá rúmið í hillungum ég er allavegana farin að pikka alla stafi vitlaust hér á tölvuna og þarf að leiðrétta allt sem ég segi hér .

Jæja , Jón Arnór fór svo að sofa um hálf 10 og ég horfði á sjónvarpið og fór svo að segja ykkur frá því sem hefur borið á góma síðustu daga hjá mér . En núna hef ég eiginlega ekkert meira til að tala um þannig að ég kveð ykkur að sinni .

Bless ,bless . GLEÐILEGA PÁSKA ALLIR SAMAN .

Búin að vera voða dugleg um helgina.

Hæ , hæ.

Já ég er sko búin að vera voða dugleg um helgina . Til að byrja með þá náði ég í stjúpbörnin mín á föstudaginn og við fórum saman að ná í Jón Arnór og Sigurð á leikskólann og fórum svo þaðan til Snjóu vinkonu og svo í labbitúr út í Bónus . Þegar klukkan var um hálf sex þá komum við heim til okkar og elduðum mat , horfðum á Bandið hans Bubba og strákarnir fóru svo að sofa , við þórdís horfðum smá á sjónvarpið en svo fór hún að sofa og ég prjónaði í smá stund og fór svo að sofa .

Á laugardaginn var nú dagurinn tekinn snemma þar sem synir mínir geta ekki sofið út og leyft mömmu sinni að sofa aðeins lengur en á virkum dögum . Krakkarnir fóru öll út að leika sér frá klukkan hálf ellefu (ótrúlegt en satt þá fóru þau út að leika og voru úti í EINN OG HÁLFAN KLUKKUTÍMA ) og komu inn aftur um tólf leytið að borða hádegismat . Tengdó kíktu í kaffi og svo þegar þau fóru þá fórum við krakkarnir að ná í Jóhönnu systir og við fórum niður í bæ . Lögðum við Hallgrímskirkju og gengum niður Laugarveginn , lölluðum aðeins um bæinn þar til að Snjóa hringdi og hitti okkur og þá löbbuðum við að tjörninni og ætluðum sko að vera voða góð að gefa öndunum brauð að borða , en viti menn ! Þær höfðu sko barasta engan áhuga á brauði því að allt um kringum þær flaut brauð á vatninu og þær litu ekki við því , við sáum að þær voru nú ekkert svangar og enginn tilgangur með að pína meiru brauði ofan í  þær . Þannig að við ákváðum að fara bara í Hafnarfjörðinn og gefa öndunum þar brauð , kannski vildu þær eitthvað að borða . Svo var brunað af stað og lagt við verslunarmiðstöðina og lallað út að Lækjarskóla til að gefa öndunum brauð , að vísu ætlaði Styrmir Hrafn að gefa MÖRGÆSUNUM brauð en við hin öndunum .  

Jæja svo var haldið heim á leið og þegar heim var komið þá héldu krakkarnir áfram að vera úti og komu inn um hálf sjö til að borða kvöldmat .(Hann Sigurður minn var sko ekkert á því að koma inn og vildi bara vera úti .)En inn komu þau og borðuðu með bestu lyst eins og þau hefðu aldrei fengið að borða áður því að sjálfsögðu voru allir svangir eftir viðburðarríkan dag . Svo fór Sigurður að sofa um átta leytið og ég held að það hafi tekið hann um 5 sek að sofna , svo þreyttur var hann . Jón Arnór , Þórdís og Styrmir fengu svo að fara út í búð að kaupa smá nammi til að hafa með myndinni sem við horfðum svo á saman en svo fóru strákarnir að sofa og við Þórdís vöktum aðeins en meikuðum nú ekki að vaka mikið lengur en strákarnir og vorum komnar upp í rúm um 10 leytið og fórum bara að sofa alveg eins og pjakkarnir .

Í dag ,sunnudag þá var dagurinn líka tekinn snemma að sjálfsögðu .Þau eldri fóru í bað því að stefnan var tekin á að fara austur á Flúðir í afmæli hjá honum Viktori Loga . Vakti eiginmanninn um hádegið og svo var lagt að stað austur um hálf tvö . Fengum nú margt gott að borða í afmælinu og borðuðum eiginlega bara á okkur gat þannig að við gátum ekki hreyft okkur ,svo fórum við heim um fimm leytið og Styrmir skutlaði Þórdísi og Styrmi til mömmu sinnar áður en hann fór að vinna . Ég kom strákunum í rúmið og settist hér við tölvuna til að blogga aðeins .

En nú held ég að ég sé búin að segja frá öllu sem ég hef verið að gera síðustu daga , þannig að ég kveð ykkur að sinni og við sjáumst seinna .

Ekkert nýtt að frétta !!

Hæ , hæ .

Bara svona rétt að láta sjást til mín , svo að ég haldi áfram að skrifa eitthvað .  

En hvað um það , það er nú voðalega lítið að frétta hér á bæ . Strákarnir í leikskólanum á daginn og ég að vinna og svo þegar heim er komið þá er allt á fullu við að grunna allt það sem var DÖKK DÖKK BL'ATT hér á þessu heimili , ( þeir sem bjuggu hér á undan okkur , þeir hafa sko verið hrifin af bláum lit bæði dökk bláum og ljós bláum lit ) ojjjjj. Þetta eru hræðilegir litir . Jæja þannig að við erum að grunna og kláruðum það í gærkveldi þannig að ég get byrjað á að lakka allt í kvöld því að það tekur 16 klukkutíma fyrir hverja umferð að þorna  . En það verður  bara að hafa það , ég verð þá bara 3 kvöld að lakka allt .

Við Jóhanna systir erum að spá í að taka okkur sumarbústað á leigu um páskana ef það eru einhverjir lausir það er að segja . Maðurinn minn verður að vinna alla páskana  þannig að það verður ekkert gaman að hanga bara heima og gera ekki neitt og stjúpbörnin  mín verða hjá mömmu sinni þessa páskana . Boring , boring . Við systa ætlum að reyna að slappa af , (haha , með strákana með okkur  ) og hafa gaman , lesa og spila og prjóna og hvað eina .

Jæja , ætli ég láti þetta ekki duga í kvöld , kannski ég skrifi meira á morgun en við sjáum til . 'Eg fæ stjúpbörnin til mín á morgun og við gerum kannski eitthvað skemmtilegt þar sem pabbi þeirra er að vinna alla helgina á næturvöktum og sefur þar að leiðandi á daginn , vaknar svo og fer að vinna aftur . En allavegana , ég bið að heilsa í bili , kveðjur Gugga .

Þessu trúið þið ekki .

Dagurinn byrjaði ósköp venjulega , strákarnir vaktir , klæddir og komið í leikskólann . 'Eg mætti í vinnuna kl: 8:30 .

Klukkan 9:09 hringir gemsinn hjá mér , Suðurborg stendur í glugganum , hvað nú hugsa ég með mér og svara . Þá var sagt: "Guðbjörg ? Þetta er Bjargey á Suðurborg , hann sonur þinn Sigurður var að ÆLA . " Díses það á ekki að ganga af okkur . Jæja því næst hringi ég í kallinn og læt hann ná í drenginn í leikskólann og þar er sagt við hann að strákurinn hafi verið að borða graut og svo bara farið að æla . ÆJÆJÆ , kannski fékk barnið bara klígju við þessum graut eða eitthvað , kannski bara ekki svangur og þar að auki er hann með mikið kvef og gerir ekki annað en að hósta einhverju ógeði uppúr sér . Svo kom drengurinn uppí vinnu til mín um hádegið og þá var búið að vera allt í lagi með hann og hann lék á alls oddi . Hjá mér borðaði hann heilt rúnstykki með skinku og osti og fannst það mjög gott . Jæja svo kom babb í bátinn , engin bleyja og strákurinn bakaði þetta líka þvílíka fyrir okkur og við í vinnunni vorum að kafna , nú voru góð ráð dýr . Strákurinn bleyjulaus og fötin vel blaut , einhvern veginn varð ég að komast heim með drenginn þannig að honum var nú bara skellt í blaut fötin aftur og það bleyjulaus og brunað heim með hann til að láta hreina bleyju og þurr föt . Erfiðast var að halda honum vakandi á leiðinn heim en það tókst . Svo þegar allt var komið í lag þá fórum við í bíltúr og Sigurður steinsofnaði og svaf í rúman klukkutíma .

Svo gerðist nú voðalega lítið það sem eftir lifði dags . Nú er kvöldmatur hjá okkur og ég er að fara í bíó með vinkonu minni . Kallinn heima með strákana , ég held að hann hafi nú barasta gott af því . ER ÞAÐ EKKI RÉTT HJÁ MÉR ?

Strákarnir í leikskólanum , ég í vinnunni og eldhúsglugginn undirbúinn fyrir lökkun.

Jæja dagurinn byrjaði nú ósköp vel , drengirnir vaktir , klæddir , og komið í leikskólann og allt gert á mettíma . Svo mætti ég í vinnuna og systa var löngu mætt en pabbi var enn heima sofandi þar sem hann kom heim úr jeppaferð um miðja nótt . Þannig að kallinn þurfti nú að fá að sofa aðeins . Jæja vinnudagurinn leið og ég fékk að fara um 3 leytið til að fara niður í Domus Medica til að ná í læknisvottorð handa drengjunum til að fá niðurfellingu á leikskólagjöldum , því að mér finnst nú ansi hart að vera að borga fullt gjald í dagvistun á leikskóla þegar að börnin eru veik í meira en 4 vikur og mínir drengir þeir toppuðu þetta eins og allir vita . Jæja svo náði ég í drengina og við litum í smá heimsókn til ömmu minnar og drösluðum nú aðeins til og fórum í smá boltaleik og mikið hlegið að því , hann Sigurður Jóhann alveg kúveltist af hlátri og Jón Arnór gat ekki gripið boltann frá bróður sínum því að hann hló svo mikið að honum . En svo var haldið heim á leið .

Þegar heim kom fóru strákarnir inn að leika sér , eiginmaðurinn ( hann Styrmir )út í búð að kaupa í kvöldmatinn , svo var matnum skellt í sig og að honum loknum var drengjunum hent í bað . Við Styrmir byrjuðum svo að slípa eldhúsgluggann og að grunna hann því að ég er að fara að lakka hann , voða fín að vinna með grímu og læti .

Jæja svo var drengjunum komið í bólið og ég held að þeir hafi sofnað um leið því að ekki heyrðist múkk meir í þeim . Við Styrmir héldum svo áfram okkar vinnu .

Mér finnst ég nú hafa verið ansi dugleg svona allavegana til að byrja með að blogga aðeins og fólk hafði sko enga trú á mér að ég gæti þetta .  Sá hlær best sem síðast hlær .  Jæja komið nóg í kvöld , heyrumst seinna ég ætla að henda mér í sturtu og hafa það gott med min mand .

Loksins , loksins komumst við út .

Heil og sæl .

Loksins , loksins komumst við mæðginin út eftir 5 vikna veikindi þar sem við lögðumst öll eitt af öðru . Annars eru þessar 5 vikur búnar að vera alveg ömurlegar kannski komnir 5 dagar þar sem synir mínir hafi mætt í leikskólann og getað verið úti að leika sér eins og önnur börn . Hann Sigurður minn byrjaði að leggjast í ælupestina og svo tók hann Jón Arnór minn við . Þá sömu nótt og Jón Arnór varð veikur fékk ég streptakokkasýkingu í hálsinn og yfir 42 stiga hita , ég hélt hreinlega að ég væri að deyja . Jæja svo jafnar hann Sigurður sig og fer á leikskólann í nokkra daga en þann 25. febrúar þá fór hann í nefkirtlatöku og fékk rör í eyrun , síðan þá er hann búinn að vera veikur því að hann smitaðist af honum Jón Arnóri sem fékk innflúensuna á meðan Sigurður var að jafna sig að kirtlatökunni. og hann er búinn að liggja í 3 vikur með flensuna . En loksins í dag þá komumst við loks út undir bert loft og gátum aðeins hreyft okkur enda orðin föl og vesæl af allri inniverunni . Svo þegar við vorum nú búin að spóka okkur í Rúmfatalagernum og Ikea þá fórum við í mat til þeirra Snjóu vinkonu og Elyassar sonar hennar . Svo komum við heim og Sigurður fór að sofa og hann var sko ekki lengi að sofna , ég held að hann hafi sofnað áður en höfðið lagðist á koddann sem er nú mjög gott , og nú er víst kominn tími til að láta Jón Arnór í rúmið því að bræðurnir fá að fara á leikskólann strax í fyrramálið og mikið hlakkar mig til . Þá fer líka að komast aftur regla á þetta heimili .

Jæja ég hef nú eiginlega ekkert annað að segja í bili þannig að ég segi bara bless , bless og sjáumst seinna .

Er að byrja með fyrstu bloggsíðuna mína

Jæja þetta á nú eftir að verða skrautlegt hjá mér . En þið sem skoðið verðið bara að benda mér á hvort ég sé að gera eitthvað vitlaust .

Til að byrja með þá er þetta fyrsta bloggsíðan mín þannig að þið verðið bara að vera þolinmóð við mig því eins og ég segi þá er þetta í fyrsta sinn sem ég er að gera svona .

En hvað um það . Þetta er nú barasta ágætis byrjun hjá mér .Finnst ykkur ekki ?  

'Eg þurfti nú að hringja í hana systir mína til að fá upplýsingar um hvernig ætti að byrja á að gera svona og þær upplýsingar gaf hún mér . 'Eg held nú að ynnst inni hafi hún nú verið að deyja úr hlátri ,svona haha hún systir mín að gera bloggsíðu þetta á nú eftir að verða skrautlegt að sjá . En við skulum sjá til hvernig þetta á eftir að ganga . En núna held ég að ég sé búin að segja nóg því að ég á nú líka eftir að koma eldri syni mínum í bólið en sá stutti er löngu sofnaður . Bið að heilsa í bili og næst segi ég ykkur kannski aðeins frá fjölskyldunni minni .

Bless , bless.