Færsluflokkur: Bloggar

Sko mig barasta :)

Já sko mig barasta 2 blogg á 2 dögum.

Nú ætti systa að vera stolt af mér!Wink En allt í lagi með það,ég gleymdi nefnilega að segja í gær frá því að ég sótti um skóla handa honum Jón Arnóri mínum hann er nefnilega að byrja í skóla í haust.

Þannig er mál með vexti að hann á að fara í Fellaskóla en við Styrmir viljum það ekki heldur viljum við að hann fari í Hólabrekkuskóla.Þar mun hann vera með öllum vinum sínum úr leikskólanum því að þeir fara allir í Hólabrekkuskóla.Ég fór meira að segja að tala við skólastjórann í Hólabrekkuskóla og spurði hvort að hann fengi ekki inngöngu þar því að við værum akkúrat í miðjunni í Vesturberginu og erum því á gráu svæði.Hún sagði mér þá að ég gæti sótt skólavist handa honum í Hólabrekkuskóla en til vara um Fellaskóla,svo yrði bara að koma í ljós hvernig færi.

Svo erum við nú bara búin að liggja í magapest Sick og núna var systa að tilkynna mér að hún væri lögst í magapestina.Vorkunn til hennar Kissing.

Núna ætla ég að fara að kaupa öskudagsbúninga handa prinsunum mínum en þeir ætla að vera sjóræningjar.

Svo átti Sunna vinkona afmæli þann 17.febrúar og ætlar að halda uppá það í kvöld.Ég ætla nú að reyna að mæta til hennar ef að kallinn verður ekki kallaður í aukavinnu hjá Strætó.

En núna hef ég eiginlega ekkert meira að segja þannig að við sjáumst bara næst þegar ég blogga og það verður bráðlega því að ég ætla að segja frá öllu sem er búið að ganga á í gegnum árin.Mér persónulega finnst ég hafa staðið mig eins og hetja að þola þetta svona lengi.En meira um það seinna.

Bið að heilsa að sinni.Wink

Kveðja Heart


Kominn tími á blogg :)

Jæja þá er víst kominn tími á smá blogg.Tounge

En það er ansi mikið búið að ganga á hérna hjá okkur fjölskyldunni.Þannig að ég er að spá í að læsa blogginu mínu og þið sem viljið fá lykilorð verðið bara að biðja um það.En ég ætla að fara að blogga um það sem er búið að vera í gangi hér hjá okkur í gegnum árin og svo núna síðastliðið hálfa árið.Einhvern veginn verð ég að koma þessu frá mér og ég get ekki haldið þessu inní mér lengur,svo að ég ætla að blogga um það áður en ég verð alveg klikkuð á þessu öllu saman.Þannig að næst þegar ég blogga þá verður það um það sem er búið að vera að gerast.

En núna ætla ég að skrifa um eitthvað barasta.

Styrmir er búinn að vera að vinna rosalega mikið síðustu vikur og ég er nú barasta eins og grasekkja.Strákarnir eru búnir að vera veikir,Sigurður Jóhann var nú veikur í næstum því 3 vikur með kvefpest sem hann náði ekki úr sér og fékk enn einu sinni barkabólgu en ég er orðin svo sjóuð í því að heyra einkennin áður en barkabólgan verður slæm að ég næ að fara með hann á neyðarvaktina á barnaspítalanum áður.Svo þegar Sigurður var að verða góður þá veiktist hann Jón Arnór minn af flensunni.Þeir fóru báðir upp í um 40 stiga hita og Sigurður Jóhann fór upp í 40,8 stiga hita og þá lá hann nú bara og mókti,litla greyið mitt,þetta var hræðilegur dagur þegar hann hafði svona háan hita og engu hægt að koma ofan í hann því að hann vildi barasta ekki neitt að drekka,ekki einu sinni ís og þá er minn sko veikur þegar hann neitar ís því að það er uppáhaldið hans,og ég held að hann gæti lifað á því ef hann fengi það.

Helgina 13-15 fór maðurinn minn í bústað með vinum sínum á smá þorrablót sem þeir héldu saman.Til stóð að ég og önnur vinkona mín færum með þeim því að hún og einn vinur Styrmir voru par en svo 2 vikum fyrir helgina þá slitu þau sambandinu og ég var ekki að nenna að fara ein með strákunum.Þá bað vinkona mín mig um að koma með á þorrablót hjá Strætó útí Viðey en ég var ekki alveg að meika það,vantaði þar að auki pössun og alles.En kallinn minn keypti bara miða handa mér og þar með fór ég með henni til Viðeyjar á þorrablót og það var geggjað gaman.Maturinn var æðislegur og ég borðaði sko á mig gat og var alveg að springa að við lá að ég ylti frá húsinu og niður á höfn þegar farið var heim aftur um kvöldið.Svo lá leiðin í partý og þaðan á Players þar sem við dönsuðum fram á rauða nótt og geggjað gaman hjá okkur.Svo fórum við í partý til Ingu vinkonu eftir Players og vorum þar í smá stund en svo fór ég heim og var komin heim um rúmlega hálf 6 um morguninn.Langt síðan ég fór að djamma svona og hvað þá að vera svona lengi.En þetta var alveg æðislegt,og langt síðan ég hef hlegið svona mikið.Sunnudagurinn var soldið þreyttur og ég hefði alveg þegið að sofa lengur en í 4 tíma og svo að fá prinsana og þeir voru sko fullir af orku.Fór með systu í bæinn og við keyptum bakkelsi og fórum með til ömmu okkar að fá okkur góðgæti.Komum svo heim og náðum í Styrmir og fórum svo í hamborgarahrygg hjá pabba.Pabbamatur er nú alltaf góður.Við Styrmir ætluðum svo að horfa á DVD upp í rúmi en viti menn ég sofnaði klukkan 9 yfir myndinni.Svona var ég þreytt.

Jæja svo var bara vinna vikuna á eftir og ég var ógó dugleg því að ég þvoði bílinn minn og bónaði hann allan.Þegar ég var búin þá var komið þessi leiðinlega rigning að ég var sko ekki að tíma að fara með bílinn út svona fínan en lét mig hafa það.

Stjúpsonur minn varð svo 11 ára þann 18.febrúar.

Þann 19.febrúar fengum við nú ansi leiðinlegar fréttir,en hún Ása okkar,frænka Styrmis lést þá um nóttina.Hugur okkar er hjá þér elsku Ása okkar og þín verður sárt saknað.Guð blessi þig.KissingCrying

En núna ætla ég að hætta í bili og næst blogga ég um hitt málið sem ég talaði um í byrjun.Jæja nú heyrist eitthvað í systu,hún er alltaf að skamma mig fyrir að hafa bloggin mín svona löng.HEHE

Jæja bið að heilsa að sinni.

Kveðja til ykkar.Heart


HHHHHHHHHMMMMMMMM!!!!!!!!!!!!

Jæja hvað segið þið nú annars?

Ég segi nú barasta allt ágætt miðað við hvað er að gerast hjá okkur.En við ætlum ekkert út í þá sálma hérna. Ef ykkur langar að heyra meira um það sem er að gerast þá verðið þið bara að hafa samband við mig í gegnum síma og ég segi ykkur fréttir þá.

En núna þá sit ég ein í stofunni og karlinn er að vinna og verður að gera það í alla nótt.Hann Sigurður minn er kominn með enn eina kvefpestina og hann er kominn á lyf en honum líður ekkert of vel það er nefnilega svo mikið kvef ofan í honum að honum finnst eins og hann þurfi að æla en getur svo ekkert gert því er nú ver og miður . Bara að hann gæti losað sig við eitthvað af þessu kvefi þá myndi honum líða betur. En svona er þetta.

Ótrúlegt að hugsa til þess að núna í ár þá mun hann Jón Arnór minn byrja í sex ára bekk. Guð hvað tíminn er fljótur að líða, mér finnst nú bara eins og það hafi verið fyrir mánuði síðan að ég kom með hann heim af fæðingardeildinni pínulitlum prins sem svaf út í eitt. Tíminn flýgur víst áfram.

Ég er nú búin að vera ósköp ódugleg að skrifa bloggið mitt og líka á barnaland hjá strákunum. En ein vinkona mín ætlar að fara að breyta síðunum þeirra á barnalandi og setja þær saman í eina síðu í staðinn fyrir tvær síður.Þannig að þá verður miklu skemmtilegra að skoða og ekki eins mikið vesen við að fara alltaf á báðar síðurnar.

En ég hef nú eiginlega ekkert meira að segja nema það að mígrenisköstin mín eru að koma aftur á fullu krafti eftir að hafa legið niðri síðan ég varð ólétt af honum Jón Arnóri. En núna koma þau sem sagt aftur.

Jæja nú hef ég ekkert meira að segja í bili og ég vona að ég komi aftur fljótlega og geti sagt þá frá einhverju meiru.

Bið sem sagt að heilsa ykkur í bili og heyrumst fljótt aftur. (VONANDI)Tounge


Búin að ferðast mikið í sumar með prinsana mína!

Jæja loksins komin aftur!!

Já ég er sko búin að ferðast mikið um landið í sumar og það var alveg rosalega skemmtilegt. Og núna er sumarfríið alveg að verða búið en því líkur núna á þriðjudaginn og þá sný ég aftur til vinnu og drengirnir í leikskólann. Þetta er allt of fljótt að líða. Wink En eins og ég sagði þá er ég búin að ferðast mikið og ferðalagið byrjaði á því að á föstudeginum 18.júlí þegar við Jóhanna systir ákváðum bara allt í einu að skella okkur norður á fjölskylduhátíð þar sem það var svo gott veður þar.Eins var verið að grilla í vinnunni þann daginn svo að við vorum í grillinu en svo var brunað heim og ferðafötin tekin til og pakkað niður í hendingskasti því að við ætluðum að leggja af stað ekki seinna en 2. En viti menn.Við lögðum ekki af stað fyrr en klukkan 5 og svo var bara keyrt í hendingskasti norður og ég held að Jóhanna hafi brotið allar umferðarreglur sem til eru á leiðinni. Nei,nei ég segi bara svona en við vorum allavegana blikkaðar af lögreglunni fyrir of hraðan akstur en ekkert meir. HEHELoL Það var nú spurning um hvort að við myndum ná 9 ferjunni um kvöldið en við rétt náðum og það var sko bara af því að það var verið að hýfa um borð í ferjuna 2 fellihýsi þannig að við gátum affermað bílinn og komið öllu um borð og Jóhanna gat lagt bílnum og hlaupið um borð og um leið og hún steig um borð var hliðinu lokað og ferjan lagði af stað frá bryggju. PjúffW00t Það var svo rosa gaman á hátíðinni,Jóhanna og Jón Arnór tóku þátt í ratleik ásamt Möggu og Móniku og urðu svo í fyrsta sæti og fengu gullmedalíu í verðlaun. Mikið var ég stolt af stráknum mínum og nú er bara að mæta aftur að ári og vinna aftur HAHALoL Svo fórum við heim á sunnudeginum og strákarnir fóru svo í leikskólann og byrjuðu svo í sumarfríi á föstudeginum 25.júlí. Þá var haldið af stað í hringferð um landið með þá og byrjað á því að fara norður,gistum á tjaldsvæðinu í Hrafnagili þá um nóttina því að það var ekki hægt að leggja það á strákana að vera lengur í bílnum en við ætluðum að fara í Ásbyrgi en þangað fórum við á laugardeginum. Strákarnir skemmtu sér mjög vel og við sváfum í tjaldvagni sem við fengum lánaðan hjá ömmu Boggu og afa Sigga. Ég held að þeir hafi barasta aldrei sofið eins vel og þessa daga sem við vorum í tjaldútilegu en þeir sváfu út alla daga,mikið var þetta gott. Á sunnudeginum fórum við í bíltúr út á langanes og skoðuðum okkur um þar . Keyrðum að Skálum á Langanesi en þaðan er tengdafaðir minn. Það var rosa gaman að skoða sig um þar og koma þarna,og núna eru strákarnir búnir að koma og sjá hvaðan afi þeirra er og svo næsta sumar verður bara farið með alla fjölskylduna þangað líka og hinum börnunum líka sýnt þetta. Vonandi verður þá betra veður líka en það var rosa þoka og kuldarok. Svo var farið aftur í Ásbyrgi og vorum þar eina nótt í viðbót og svo á mánudeginum fórum við til Egilsstaða og þar hittum við Davíð og bróður hans og grilluðum okkur góðan mat með þeim og litum aðeins inn á pöbbinn þar og Sigurður sofnaði í kerrunni sinni. Jóhanna systir fékk svo svona heiftarlega í bakið að það var ekkert venjulegt. Þannig að ferðin styttist um einn dag. Á þriðjudeginum lá leið okkar til Víkur í Mýrdal og fórum á Höfðabrekku til ættingja okkar og vorum þar eina nótt og fórum svo heim á miðvikudegi sem var mjög gott því að þá gat ég átt eina kvöldstund með eiginmanninum áður en hann færi á næturvakt kvöldið eftir. Allir voru sko búnir á því eftir þetta langa ferðalag og sofnuðu snemma þá um kvöldið.

Um verslunarmannahelgina fór ég í sumarbústaðinn okkar með strákana og þar voru líka amma og afi ,Sirrý og Árni og Guðbjörg, og pabbi að Jóhanna . það var rosa gaman á laugardagskvöldinu var kvöldvaka og brenna og ég og Guðbjörg fórum í reipitog og okkar lið vann Tounge . Á sunnudeginum fórum við Guðbjörg með strákana í dýragarðinn á Slakka en hin fóru inn í landmannalaugar. Svo var bara lesið og spilað og haft það gott. Farið var svo heim á mánudeginum og svo náði ég í hann Styrmir Hrafn því að hann átti að vera hjá okkur í 2 vikur . Að vísu átti Þórdís Tinna líka að vera en hún vildi vera hjá frænku sinni í Hveragerði og það fékk hún. Styrmir Hrafn fékk að fara á hestanámskeið vikuna eftir verslunarmannahelgina og það fannst honum rosalega gaman.

Þann 08.08.08 giftu Berglind mágkona sig og Ragnar og þetta var svo æðislegt brúðkaup að ég grét í kirkjunni þegar ég sá hana koma inn og eins þegar kom á kossinum en þá gleymdi hún sér og ætlaði bara að snúa sér við og setjast niður en Raggi greip þá í hana og kyssti hana bara . HAHALoL Svo var veisla í félagsheimilinu á Flúðum og dansað langt fram á nótt. Á laugardeginum varð svo amma mín 80 ára og þá var veisla þar. Styrmir kláraði svo næturvaktirnar sínar á aðfaranótt þriðjudagsins og þá fórum við í bústað en Þórdís kom ekki með því er nú ver og miður því að okkur var farið að hlakka til að hitta hana og hafa gaman með öllum börnunum en hún vildi bara vera í Hveragerði hjá frænku sinni. Svo fór Styrmir Hrafn til mömmu sinnar aftur á mánudeginum 18. ágúst og ég slæptist bara með strákunum og Styrmir vann .

Á föstudaginn var okkur boðið í matarboð til Sigurjóns og Ingu og barnanna þeirra og við grilluðum öll saman og það var rosa gaman.

Á menningarnótt fórum við svo í bæinn um 7 leytið og fengum okkur að borða á eldsmiðjunni og fórum svo á Miklatún á tónleikana þar og hlustuðum á Jet black joe og Ný dönsk, mikið er gaman að heyra aftur í þessum hljómsveitum því að ég held að ég hafi ekki heyrt í þeim bara í mörg ár. En allavegana þegar tónleikarnir voru búnir þá löbbuðum við niður á sæbraut til að sjá flugeldana og það var sko sjón að sjá þetta var alveg geggjað. En hann Sigurður minn var pínu hræddur við lætin og fór að gráta en svo sofnaði hann bara og það var sko gott, því að lætin urðu bara meiri þegar líða tók á flugeldana. Hann Jón Arnór stóð sig nú vel hélt bara fyrir eyrun og svo þegar það var gengið aftur að bílnum sem var lagður upp við Laugardalslaug þá sofnaði minn maður barasta,svo rétt rönkuðu þeir við sér við að vera settir í bílinn og eins þegar heim var komið en voru svo líka fljótir að sofna aftur í rúmunum.

En núna er litli maðurinn minn að vakna eftir að hafa sofið í tvo og hálfan tíma þannig að ég segi bara bless í bili og sjáum þegar við sjáumst.

Bless,bless bið að heilsa ykkur öllum.


Ætlaði að vera löngu búin að skrifa til ykkar !!

Halló,halló !

Eyjafarar löngu komnir heim og ég ætlaði að vera löngu búin að segja ykkur frá ferðinni okkar. ToungeEn allavegana þá byrjaði föstudagurinn 2 maí á því að koma prinsunum mínum í leikskólann og svo var farið að ná í hana Þórdísi til mömmu sinnar . Þaðan var haldið upp í kirkjugarð til að láta pabba og systu fá ferðatösku strákanna og kerru fyrir Sigurð og bílstóla hehe. Svo var haldið heim til okkar og náð í restina af farangrinum hennar Þórdísar sem var svefnpoki og dýna og svo var öllu skellt útí bíl og haldið af stað við að keyra Þórdísi í ÍR heimilið þar sem hún ætlaði með rútu til Þorlákshafnar með öllum stelpunum úr liðunum þeirra. Smile Það var nefnilega ekki nógu flott að ferðast með okkur foreldrunum hehe. Wink En svo héldum við Styrmir af stað til Þorlákshafnar og ætluðum að hitta alla þar, við fórum nefnilega bara á okkar vegum til að vera til staðar fyrir dóttur okkar en ekki sem fararstjórar . Þar að auki ætluðum við að nota tímann til að vera ein og engin börn nálægt nema þau sem voru á mótinu. LoL Og við gistum á hótel Þórshamari og Þórdís og hinar stelpurnar í liðinu gistu í Hamraskóla í Eyjum.

Jæja, þegar við svo enduðum í Herjólfi þá var sko 1 sjóveikistafla á liðið, en sem betur fer þá var barasta fínt veður alla leiðina og margt að tala um og skoða og sjá en allt endar og þá fór manni að leiðast að sitja í Herjólfi í 2 tíma og 45 mínútur. En loksins var komið á áfangastað og allir gengu frá borði. Best að vera ekkert að flýta sér frá borði því að maður kemst einhverntímann frá borði , það var svo troðið að við Styrmir ákváðum á bíða bara róleg þar til allir voru farnir og þá fórum við líka hehehe. LoL Þá fórum við Styrmir á hótelið og tékkuðum okkur inn,svo fórum við aðeins að labba og skoða okkur um, og ég borgarstelpan á háhæluðum stígvélum (það var sko ekki að ganga upp og ég að drepast í fótunum ) ,þá römbuðum við inn á Olís og þar fann ég þessa líka flottu strigaskó á 990 krónur og ég keypti þá,sem betur fer því að ég átti sko eftir að ganga mikið þessa helgi. GrinSvo fórum við og fengum okkur pizzu á Cafe María og það var sko góð pizza skal ég segja ykkur. Jæja svo fórum við aftur á hótelið til að hvíla okkur áður en við færum að horfa á fyrsta leikinn hjá Þórdísi og ég ætlaði nú bara rétt að loka augunum en svo bara þegar ég vaknaði þá var klukkan að verða 8 um kvöldið og liðið hennar Þórdísar átti að spila klukkan 8 , þannig að nú var bara eitt í stöðunni og það var að skella sér í útifötin og storma út um dyrnar og reyna að ná áður en leikurinn væri búinn , en þetta hófst hjá okkur það voru bara búnar 6 mínútur af leiknum þegar við komum á staðinn. Wink Allt fór vel að lokum og þær unnu fyrsta leikinn og það með nokkra marka mun. Svo fóru stelpurnar aftur í skólann til að slaka á og fara snemma að sofa og við kallinn röltum aftur að hótelinu en ákváðum svo að koma við á bar og fá okkur smá í glas og enduðum svo á hótelinu aftur klukkan að verða 1 um nóttina því að það var svo gaman hjá okkur því að við bara komumst á spjall við fullt af fólki og höfðum gaman af því. Grin Á laugardeginum þá vöknuðum við og fórum niður í morgunverð á hótelinu og borðuðum yfir okkur það var svo gott að fá eitthvað annað en það sem maður fær sér alltaf heima hjá sér. Svo fór Styrmir aftur upp á herbergi og lagði sig og ég settist niður í matsalnum og las aðeins, Styrmir fór svo um hádegið á Cafe María og horfði á fótboltann en ég fór í göngutúr og labbaði á Skansinn en það er þar sem Tyrkir komu á land þegar Tyrkjaránið var hér á Íslandi , en þá rændu þeir um 200 manns og drápu aðra. Það var mjög gaman að skoða þetta allt og svo labbaði ég að Pompei Norðursins en það er þar sem húsin fóru öll undir hraun í gosinu. Mikið er rosalega gaman að skoða svona staði og fræðast aðeins um svona lagað. Mig langar að fara aftur til Eyja og vera þá lengur og geta farið í skipulagðar ferðir og skoðað svona það helsta. Smile Svo spiluðu stelpurnar aðra leiki og unnu annan þeirra en töpuðu þeim seinni. Frown Á sunnudeginum léku þær einn leik og töpuðu honum en það var nú eitthvað spúkí við það. Það var nefnilega í leiknum þá meiddi ein stelpan sig og tíminn var ekki stöðvaður í 10 sekúndur en var svo stoppaður og á loka sekúndunum þá gefur ein stelpan í liðinu hennar Þórdísar á hana Helenu sem hendir boltanum frá sér í markið um leið og leiktíminn er búinn og markið dæmt af því að hún var ekki búin að henda áður. SVINDL. (finnst mér allavegana)Angry Svo var farið heim með Herjólfi klukkan 4 og það var nú ekkert voða gott í sjóinn Sick en við sátum bara í bíósalnum alla leiðina og fundum voða lítið fyrir veltingnum hehe Tounge .Náðum svo í hana Þórdísi í ÍR heimilið og keyrðum hana til mömmu sinnar og fórum svo að ná í prinsana til pabba og systu og þá voru þeir bara nýbaðaðir og fínir . Þá slapp ég við það . Tounge Fórum svo bara snemma að sofa því að við vorum alveg búin á því að vera í fríi frá börnum og heimili . Það er nefnilega svona , maður finnur ekki fyrir þreytu þegar daglegt amstur er og engar breytingar en um leið og maður er einn og gerir eitthvað annað en að amast yfir börnum þá er komið allt annað áreyti á mann og maður er barasta búinn á því . Gasp 

Annars gerðist nú voða lítið yfir vikuna, kallinn að vinna næturvaktir og ég að vinna á daginn ,strákarnir í leikskólanum og bara dagleg rútína . En núna er föstudagur 9. maí og ég fór í sveitaferð með strákana í leikskólanum í dag og það í allri þessari rigningu, það var eins og hellt úr fötu. Við skoðuðum fullt af dýrum og þeir léku sér og svo var grillað og borðað og spjallað og haft gaman . En allir kvörtuðu yfir veðrinu en svo var bara reynt að gera það besta úr öllu . Svo var farið heim og þegar heim var komið þá náði ég í Þórdísi til mömmu sinnar og svo Styrmir Hrafn í Bakkasel og svo bara heim að slaka á . Nú eru öll börnin sofnuð og ég er á leiðinni uppí rúm því að ég er alveg búin á því . Ég er nefnilega búin að vera að lakka eldhúsgluggann hjá mér sem ég ætlaði að vera löngu búin að en lét svo verða af því að byrja á þessu á miðvikudagskvöldið og kláraði það í gær . Ég ætlaði nú að gera 3 umferðir en þess var ekki þörf og þetta kemur bara vel út og svo er bara að mála eldhúsið og þá er allt að komast í lag og verða flott hérna hjá okkur.LoL En núna ætla ég að fara að sofa því að það þarf að vakna snemma í fyrramálið það er nefnilega helgi og þá vakna dýrin snemma . það er enga grið að fá frá mínum prinsum heheWinkLoL

Bið að heilsa þar til næst. Ætla svo að biðja systu að hjálpa mér að setja inn myndir frá Eyjum. Tounge


Erum að fara til Eyja í fyrsta skiptið!!!

Halló,halló.! Hvað segist?

Jæja eins og þið sáuð í fyrirsögninni hjá mér þá erum við kallinn að fara til Vestmannaeyja og það í fyrsta skiptið hjá okkur báðum.LoL Haldiði að það sé ,við höfum ekki einu sinni farið á þjóðhátíð í Eyjum Tounge. Það er svona þegar börnin eru komin þá er nú lítið gert nema kannski áfengislaus verslunarmannahelgi eða eitthvað því um líkt SmileWink.

En allavegana þá erum við að fara til Eyja á föstudaginn og ástæðan er sú að hún Þórdís okkar er að fara að keppa í handbolta í Eyjum og við ætlum að skella okkur með henni.Smile Þetta verður rosa gaman (vonandi ).Wink

Við ætlum að gista á hótel Þórshamri en Þórdís verður með liðinu sínu í einhverjum skóla sem við eigum eftir að fá að vita um. LoLJá og svo á Styrmir afmæli á sunnudaginn þannig að við ætlum að fara út að borða á laugardagskvöldið og hafa það gott svona barnslaus og alle sammen. Wink

En núna hef ég eiginlega ekkert meira að segja þannig að ég kveð í bili og segi ykkur frá ferðinni þegar við komum heim úthvíld og æðsileg .Tounge

Bless í bili ,bið að heilsa öllum .

 


Duglegust í heimi :)

Halló,halló !

Hvað segist svo? Lokins,loksins er ég komin aftur til að blogga aðeins. HeheWink Best að nota tímann til að blogga á meðan hádegismaturinn mallar á hellunni og piltarnir horfa á video.

Það er frí í leikskólanum hjá strákunum en það verður nú lítið gert því að hann Jón Arnór minn er veikur,nældi sér í hálsbólgu og kvef. En það eru skipulagsdagar í leikskólanum hjá drengjunum svo að þeir eru í fríi alveg þar til á mánudaginn í næstu viku.O MY GOD þetta verður skrautlegt .

Vitiði það að ég er búin að vera voða dugleg síðustu kvöld, ég er nefnilega búin að setja inn fullt af myndum á síðurnar hjá strákunum á barnalandi og ég setti slóðirnar á síðurnar hjá þeim inn í tenglana mína fyrir þá sem vilja skoða þær. GrinJá og svo er ég líka búin að skrifa aðeins í vefdagbókina hjá þeim.

En heyriði ég gleymdi nú alveg að segja ykkur frá einu þegar ég skrifaði síðast hérna á síðuna mína um sumarbústaðaferðina okkar.Það sem mig langaði að segja ykkur er að hann Jón Arnór minn var svo duglegur þarna í sumarbústaðnum ,hann fór nefnilega í kaf þegar hann var í heita pottinum ,hann er nefnilega alveg rosalega vatnshræddur og er búinn að vera það síðan hann var rúmlega eins árs gamall. Þannig er nú mál með vexti að hann var hjá dagmömmu frá eins árs aldri og þar til hann varð 2 ára. Og þegar hann var hjá henni í desember þegar hann var 1 árs og 2ja mánaða gamall þá voru krakkarnir þar að mála fyrir okkur foreldrana ramma með mynd af þeim til að gefa okkur í jólgjöf.En allavegana þá lét dagmamman þau í bað á eftir allt máleríið og það hefur örugglega eitthvað komið fyrir þar því að síðan þá hefur verið algjör kvöl og pína að koma drengnum í bað hvað þá að fara með hann í sund eða að barasta að fá að þvo honum.Það hefur bara ekkert vatn mátt fara í augun á honum þá varð hann alveg brjálaður en svo þar á móti þá tóku baðtímar aldrei meira en 5 mínútur því að hann vildi ekki vera í baði. Núna er allt að gerast og hann barasta fór í kaf og allar græjur. Mikið er ég stolt af mínum prins. Þetta er allt að koma og svo stekkur hann líka svona flott á milli kanta á pottinum. LoL

Hann Sigurður minn er aftur á móti ekkert vatnshræddur og er brjálaður þegar hann er tekinn úr baðinu til að þurrka honum og klæða hann svo í náttföt. En nú orðið fara þeir bræður saman í bað og finnast það voða gaman.

Núna ætla ég að fara að skrifa aðeins meira undir myndir á síðunum hjá strákunum og við heyrumst fljótlega aftur.

Bið að heilsa í bili.


Mikið búið að vera að gera og að gerast.

Halló ! Hvað segist svo !?

Það er nú bara allt fínt að frétta héðan á mínum bæ .Að vísu er hann Sigurður minn búinn að fá streptakokka enn eina ferðina og líka barkabólgu og endaði á að fá 2 vikna pennsillín skammt og svo 3 daga steratöflur (12 töflur ) á dag . Gaman ,gaman eða hittó heldur . En þetta er nú allt að koma og hann er mættur aftur í leikskólann . Það gerði hann í síðustu viku . Svo á fimmtudaginn 10 apríl fórum við fjölskyldan í sumarbústað í Munaðarnesi og vorum þar yfir helgina . Mikið var nú gott að komast úr borginni. Svo kom vinafólk okkar á föstudeginum til okkar og voru hjá okkur og þá var nú mikið brallað .

En svo á laugardeginum þá lenti hann Styrmir maðurinn minn í því að hann Sigurður potaði puttanum á sér upp í augað á honum þannig að það lak bara vökvi úr því og svo bara stokkbólgnaði hann allt í kringum augað . Ég lenti svo um kvöldið með hann á heilsugæslunni í Borgarnesi . Og þar fékk hann deyfingu í augað og skánaði strax. Svo sýndi læknirinn mér rispuna á auganu á honum og þetta var sko ekkert smá stór rispa . Alveg frá miðdeplinum í auganu og svo niður allt augað. Hann endaði á því að fá 5 daga augnsmyrsli sem var pennsillín . Ekki gat hann unnið þannig og var því heima í faðmi fjölskyldunnar og naut þess líka . En hann er nú farinn að vinna .

Svo erum við Þórdís líka búnar að vera að selja klósettpappír og ýmislegt fleira því að hún er að fara að keppa í handbolta um mánaðarmótin í Vestmanneyjum . Og við erum því búnar að vera að safna fyrir því og nú er bara að bíða eftir því að fá vörurnar til okkar svo að við getum nú farið að keyra út til fólksins sem er búið að panta hjá okkur og borga okkur .

En núna hef ég nú eiginlega ekkert meira að segja þannig að ég segi bara bless núna og sjáumst vonandi  fljótt aftur.

See ya.


Veikindi . Enn eina ferðina.

Sæl og blessuð öll sömul !

Það er nú ósköp lítið búið að gerast síðan ég skrifaði hér síðast , nema hann Sigurður minn er enn eina ferðina orðinn veikur . Byrjaði á mánudagskvöldið og átti voða bágt með að anda greyið mitt litla . Það var voða þungur andardráttur hjá honum þannig að ég fór með hann aðeins út á svalir um miðja nótt eins og var búið að segja mér að gera ef að svona gerðist . Jæja ekki lagaðist andardrátturinn hjá honum svo að við reyndum að sofna aftur upp í rúmi en þá bara byrjaði hann að æla glærum vökva sem sagt vatni og slími . Það var nú lítið sofið því að við enduðum frammí stofu og sváfum þar til klukkan 7 . Fór svo með hann til heimilislæknisins eftir hádegið og þar fékk ég að vita að hann væri kominn með barkabólgu (ég vissi það nú þegar því að hann fékk hana líka  í október ) . Hann fékk ekkert meðal og ég átti bara að sjá til hvernig hann yrði á miðvikudeginum og athuga hvort hann myndi nú ekki bara lagast . Ekki skánaði stráksi og hitinn hækkaði bara , hann fór upp í 40 gráður og enginn stíll lækkaði hitann . Þá hringdi Snjóa vinkona fyrir mig niður á barnavakt á Domus og spurði hvort að það væri laust pláss hjá þeim en allt var fullt þar . Svo fór hún að lísa fyrir þeim hvernig stráksi væri og þá var sagt : "heyrðu , það var að losna hérna hjá okkur , komdu klukkan korter yfir 9 í kvöld . (Fyndið hvernig það losnaði bara allt í einu hjá þeim , bara sí sona . )

Jæja , mættum á vaktina og hittum þar æðislegan lækni sem heitir Úlfar Agnarsson og þar var barnið skoðað hátt og lágt og endaúrskurður var : slæmir streptakokkar og slæm barkabólga . Læknirinn gerði meira að segja streptakokkaprófið 2 x til að vera viss . Fórum út frá lækninum með lyfseðla upp á 2 vikna pennsillinskammt og steratöflur . Svo lá leiðin í apótekið á háaleitisbraut og þar var beðið eftir lyfjunum og barnið beið út í bíl á meðan hjá langömmu sinni sem kom með sem andlegur stuðningur . Allt í einu var kallað : Fyrir Sigurð ! heyrðu það er ekki til steratöflurnar hér hjá okkur þú verður að fara niður í Lyfju Lágmúla þær eru til þar . Krist. Hvað á maður að þurfa að fara í mörg apótek áður en maður fær allt sem manni er skaffað . Komum svo heim klukkan að verða 11 að kvöldi og þá var eftir að koma meðulunum ofan í barnið en sem betur fer þá gekk það vel . Svo var prinsunum komið í rúmið . Sigurður svaf til klukkan að verða 3 um nóttina en þá vaknaði hann og leið illa þannig að ég tók hann bara uppí til mín því að öll orka var búin hjá mér við að hlaupa á milli herbergja . Gasp

Jæja sem betur fer þá leið honum nú betur strax á miðvikudagsmorgninum og hitinn hafði lækkað . Vorum bara að dúlla okkur við að horfa á video og leika allan daginn . Svo var komið að lyfjatíma eftir kvöldmat og til að byrja með þá fékk hann pennsillinið og það fór nú bara hálf skeið upp í hann því að hann sló í skeiðina um leið og ég setti hana að munninum á honum , ekki gaman það . En það gekk betur að láta hann taka inn steratöflurnar sem eru leystar upp í vatni , og eru eins og hálfgert gos . Svo fóru piltarnir að sofa og ég braut loksins saman allan þvottinn sem var farinn að kalla hástöfum á mig .

Ég fór svo í vinnuna í morgun og þurfti svo að fara í bankann minn . Ég hafði nefnilega fengið tilkynningu um stofnun á nýjan greiðslureikning sem var nú allt í lagi nema hvað að ég fékk stofnun á 2 nýja reikninga og sitthvort nafnið á manninum sem á að vera með mér í þessari greiðsluþjónustu, sem sagt nafnið á manninum mínum og svo einhver Jón Jónsson út í bæ . HALLÓ. Er einhver heima hjá sumum af þessum stofnunum . Ég ætla sko ekki að fara að borga í greiðsluþjónustu með einhverjum öðrum en manninum mínum hvað þá að borga tvöfalda þjónustu . En þetta var svo lagað fyrir mig og allt í lagi með það . LoL

Um hádegið fórum við systa í klippingu og litun og vorum þar í 2 og hálfan tíma , en komum svo voða sætar og fínar aftur uppí vinnu og vinnudagurinn búinn hjá okkur þannig að það var bara haldið heim á leið . Þá fór eiginmaðurinn út með eldri soninn því að Þórdís okkar átti að sýna í leikriti og dans í skólanum með bekknum sínum .

Mig langaði líka að benda ykkur á eina síðu sem að vinkona mín er að gera . Þetta er svona uppskriftasíða með allskonar uppskriftum og mörgu góðgæti . En hún er nú bara rétt að byrja á henni þannig að það verður bara að vera þolinmóður við hana en það er eitthvað komið inn hjá henni . Ég ætla að láta hér linkinn hennar fyrir neðan ef að ég get það annars getið þið farið á síðuna hjá henni í gegnum tenglana mína . Hún er kölluð Snjóa , og þið lesið bara út úr því .

En núna ætla ég að kveðja því að hann litli minn er eitthvað lítill og pirraður . Bless , bless . Wink

Sorry , ég gat ekki sett inn slóðina hennar hérna þannig að þið þurfið bara að fara á hana í gegnum tenglana mína . Tounge


Það sem var gert um páskana !!

Jæja , á ég að segja ykkur hvað ég og fjölskyldan mín gerðum um páskana ??Wink

Í fyrsta lagi var nú ósköp lítið gert . Styrmir var að vinna alla páskana nema Skírdag þá átti hann frí ótrúlegt en satt . Á Skírdag var að sjálfsögðu vaknað snemma eins og vaninn er á þessu heimili , fórum svo í heimsókn til tengdó um hádegið og vorum þar til klukkan að verða hálf 6 . Þar var ég að hjálpa tengdamömmu með tölvuna sína því að þau gátu ekki náð að senda póst á gömlu tölvunni sinni . Hringdum út um allar trissur til að fá upplýsingar um hvað væri að póstforritinu og komumst að því að það var orðið svo gamalt að það var ekki hægt að senda á því og það þyrfti að uppfæra það og að það væri líka búið að loka á póstinn því að þau voru að færa sig á milli símafyrirtækja . Hvað er eiginlega að fólki , ég hélt að það væri frelsi hér á Íslandi til að gera það sem maður vildi .

Komum svo heim og ég fór að elda Bayonneskinku handa okkur , en eitthvað var lystin hjá mér ekki neitt voðalega mikil og svo kom það á daginn að ég nældi mér í gubbuna Sick enn eina ferðina og nýbúin með þetta ógeð . Fór svo snemma að sofa því að mér leið alveg hræðilega alla nóttina og svo byrjaði Jón Arnór líka með þetta ógeð um 5 leytið um nóttina . En sem betur fer þá varð ekkert meir úr þessu hjá honum .

Vöknuðum svo um morguninn á Föstudaginn langa og slöppuðum af til hádegis , þá var haldið til tengdó enn og aftur til að reyna að fá botn í tölvuna og setja upp Office pakkann í nýju tölvuna þeirra . Gummi vinur Styrmis kom svo líka um 2 leytið að hjálpa okkur , því að hann er alger tölvuséní . Jæja hann setti upp nýja Office pakkann í nýju tölvuna en ekkert var hægt að gera með póstforritið því að þau mundu ekki lykilorðið til að komast inn á póstinn . Þannig að þau þurfa að fara niður í síma og fá upplýsingar um að komast inn í einhvern þjónustuvef og opna póstforritið aftur hjá sér . Vorum að stússast í þessu til klukkan að verða 5 og fórum þá beinustu leið heim því að ég ætlaði að gera djúpsteiktan fisk áður en Styrmir færi að vinna og tengdó ,Tóti og kærastan hans ætluðu að vera í mat hjá okkur . Ekki tókst mér að vera búin að elda áður en Styrmir fór að vinna svo að hann fór matarlaus í vinnuna , en hann ætlaði bara að kíkja heim seinna og fá sér mat . Þegar klukkan var um 7 þá birtist hann heim og gat þá fengið sér mat , því að það var ekkert að gera á þvottastöðinni og þeir þurftu bara að hanga þar og gera ekki neitt . Jæja svo fóru tengdó heim og strákarnir að sofa og ég að horfa á sjónvarpið og prjóna . Ég er nefnilega að prjóna peysu á hann Jón Arnór minn og ég þarf að fara að klára hana svo að hann geti nú notað hana eitthvað áður en hann verður vaxinn uppúr henni LoL .

Jæja á laugardeginum var vaknað um 8 leytið , ótrúlegt en satt . strákarnir horfðu á barnatímann og ég hringdi í pabba um hálf tíu og svo fórum við yfir til þeirra um 10 leytið . Þar voru strákarnir að leika sér í kubbunum og fengu svo brauð að borða og svo sofnaði Sigurður í rúminu hennar frænku sinnar og ég steinsofnaði í sófanum hjá þeim og við Sigurður sváfum í nánast 2 tíma . Mikið var nú gott að sofna svona . Hringdum svo í ömmu Möggu og fórum til hennar því að við vorum að fara að versla með henni . Svo þegar því var lokið þá keyrðum við Jóhönnu heim því að hún var að fara í saumaklúbb þá um kvöldið . Amma bauð svo mér og strákunum upp á KFC og við fórum svo með afganginn upp í vinnu til Styrmis svo að hann fengi eitthvað að borða og þyrfti ekki að svelta . Fórum svo heim og Sigurður fór að sofa um 8 leytið og við Jón Arnór horfðum á fjöskyldumyndina á stöð 2 og svo fór hann að sofa og ég að brjóta saman þvott (Það veitti nú ekki að því , búið að safnast saman í einu horninu hjá mér og beið eftir mér )Wink .Fór svo að sofa um 2 leytið .

Á Páskadag var nú vaknað fyrir 7 ( best að segja ekki neitt þegar þeir sofa lengur því að það kemur nú bara niður á manni daginn eftir )Grin. Jæja þeir borðuðu morgunmat en voru svo bara með leiðinda stæla við mömmu sína þannig að þeir fengu sko ekkert páskaegg þegar morgunmaturinn var búinn . Þeir horfðu svo á Söngvaborg ég veit ekki hvað oft og ég fór að undirbúa fyrir daginn því að vinir hans Styrmis ætluðu að koma um 1 leytið í heimsókn og horfa á fótboltann hjá okkur . Ég gerði túnfisksalat , heita salsasósu fyrir Dorritos og var svo með osta og vínber handa þeim . Sigurður sofnaði svo um 12 og svaf til klukkan að verða 2 . Um 3 leytið fór ég með strákana til hennar Ingu og þar fengum við rosa fína köku í kaffinu , hún Karen dóttir hennar átti nefnilega afmæli . Svo var okkur nú bara boðið í mat líka og það var ekkert smá gott læri sem við fengum . Fórum svo heim um hálf 8 og komum við hjá Styrmi í vinnunni og gáfum honum smá mat sem Inga og Sigurjón sendu okkur með til hans . Sigurður sofnaði svo fljótlega eftir að við komum heim og Jón Arnór fór að sofa um hálf 10 . Ég horfði á sjónvarpið og slakaði á fór svo að sofa .

Á annan í páskum vöknuðu strákarnir um 8 og horfðu svo á barnatímann í sjónvarpinu og ég mókti í sófanum . Tounge Sigurður sofnaði svo um 12 og Styrmir vaknaði um 2 leytið og ég fór í sturtu , við vorum nefnilega að fara í mat til tengdó um 4 leytið . Svo þegar Styrmir var nýbúinn í sturtu þá hringdi síminn og tengdamamma í símanum og sagði að maturinn væri til . Þá var nú sko sett í 5 gír og allir klæddir á mettíma og brunað af stað heim til þeirra . Þar voru allir komnir sem sagt : Berglind og Raggi og synir þeirra . Jón Arnór og Sigurður fóru svo að leika við þá á meðan að beðið var eftir matnum .Svo var sest til borðs og fyrst var aspassúpa í forrétt , svo kom grillað lambalæri sem var alveg geggjað gott og svo var eftirréttur með ís . mmmmmmSmile það var sko mikið borðað og spjallað og svo tók Tóti upp gítarinn og fór að spila . Hann Sigurður ætlaði nú bara að spila með honum og hélt hendinni bara fyrir svo að Tóti átti nú í mestu vandræðum við að spila en að lokum þá gafst hann Sigurður upp og Tóti fékk að spila óáreittur . Þá byrjuðu þeir frændur að dansa með tónlistinni og það var sko fyndið , hoppuðu um allar trissur  og hristu höfðin LoL . En svo leið tíminn og Styrmir var farinn að vinna og við fórum svo heim um hálf 8 því að það þurfti nú að koma þeim bræðrum í rúmið af því að það var leikskóli daginn eftir og ég í vinnu.

Það varð nú ekkert af því að fara í vinnu og leikskóla á þriðjudagsmorgni því um klukkan hálf 4 í nótt þá vaknaði ég við trítl í litlum fótum og þar var á ferðinni hann Sigurður minn og tilkynnti mér það að hann væri búinn að .......Ég fór því að skipta á honum og fékk algert áfall . Þetta var upp á maga og langt upp á bak og það rennandi . Sick Svo skalf grey barnið því að honum var svo kalt og það varð að skipta á öllu . Um morguninn hélt þetta áfram hjá barninu og ég held að það hafi farið um 20 bleyjur bara frá klukkan 8 um morguninn til klukkan 2 eftir hádegið . Jæja svo fór þetta að minnka sem betur fer . Jón Arnór fór svo út að leika sér við Alexander vin sinn og var úti alveg í 5 klukkutíma og ég vissi ekki af honum þeir voru svo góðir  að leika sér úti . Svo sauð ég fisk fyrir strákana og við Styrmir grilluðum okkur svínkótellettur . Svo fóru þeir að sofa og við að horfa á sjónvarpið . Tókum okkur Mr. Brooks á skjánum og urðum nú fyrir smá vonbrigðum því að það var búið að segja okkur að hún væri nú mjög góð en ekki fannst okkur það nú . En svona var nú mín saga um páskana og ég ætla að hætta núna því að ég þarf að eins að sinna prinsunum mínum og verð að skrifa kannski meira í dag um hvað er búið að vera að gerast síðustu daga .

Kveð ykkur í bili . Bless,bless.

 

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband