Guðbjörg Arnórsdóttir

Sko mig barasta :)

Já sko mig barasta 2 blogg á 2 dögum.

Nú ætti systa að vera stolt af mér! En allt í lagi með það,ég gleymdi nefnilega að segja í gær frá því að ég sótti um skóla handa honum Jón Arnóri mínum hann er nefnilega að byrja í skóla í haust.

Þannig er mál með vexti að hann á að fara í Fellaskóla en við Styrmir viljum það ekki heldur viljum við að hann fari í Hólabrekkuskóla.Þar mun hann vera með öllum vinum sínum úr leikskólanum því að þeir fara allir í Hólabrekkuskóla.Ég fór meira að segja að tala við skólastjórann í Hólabrekkuskóla og spurði hvort að hann fengi ekki inngöngu þar því að við værum akkúrat í miðjunni í Vesturberginu og erum því á gráu svæði.Hún sagði mér þá að ég gæti sótt skólavist handa honum í Hólabrekkuskóla en til vara um Fellaskóla,svo yrði bara að koma í ljós hvernig færi.

Svo erum við nú bara búin að liggja í magapest og núna var systa að tilkynna mér að hún væri lögst í magapestina.Vorkunn til hennar .

Núna ætla ég að fara að kaupa öskudagsbúninga handa prinsunum mínum en þeir ætla að vera sjóræningjar.

Svo átti Sunna vinkona afmæli þann 17.febrúar og ætlar að halda uppá það í kvöld.Ég ætla nú að reyna að mæta til hennar ef að kallinn verður ekki kallaður í aukavinnu hjá Strætó.

En núna hef ég eiginlega ekkert meira að segja þannig að við sjáumst bara næst þegar ég blogga og það verður bráðlega því að ég ætla að segja frá öllu sem er búið að ganga á í gegnum árin.Mér persónulega finnst ég hafa staðið mig eins og hetja að þola þetta svona lengi.En meira um það seinna.

Bið að heilsa að sinni.

Kveðja